19 Мај, 2021
0.0203

„За заедничка Македонија“: Иванов е човекот кој не изведе до победата

Објавено во: Македонија 08 Април, 2017

Во Скопје синоќа се одржа 40-от протест против таканречената Тиранска платформа и заштита на интегритетот на Република Македонија. 

„Веќе 40 дена сме на улиците на татковината. Ќе останеме тука толку колку што е потребно за заштита на единството, јазикот, знамето, грбот и за отфрлање на „Албанската платформа“ соопшти еден од организаторите на Граѓанското движење „За заедничка Македонија“, Богдан Илиевски.

Толпата протестанти се собра пред зградата на Владата и оттаму мина по централните улици на главниот град и се упати кон Народното собрание.

Илиевски им рече симболично „Стоп“ на сите кои сакаат да ја “качат Македонија на албанската платформа“. 

“Нема да дозволиме такво нешто. Ќе продолжиме со борбата. Со секој изминат ден ќе стануваме се повеќе и особено идната недела, која е клучна. Тука сме 40 дена, но ќе бидеме уште толку колку што е потребно. Му благодариме на претседателот Ѓорге Иванов. Ова е човекот кој не изведе до победата. Ова е човекот кој стои зад нас, и ние ќе бидеме зад него додека тој ја врши и почитува заклетвата - да го брани суверенитетот на Република Македонија“, рече Илиевски пред граѓаните. 

Борис Дамовски, кој исто така е дел од Граѓанското движење „За заедничка Македонија“, ги повика граѓаните да останат будни, бидејќи „ниту една битка не е освоена за еден викенд“. 

Потсетуваме дека протестите почнаа кон крајот на месец февруари. Тие се одржуваат секоја вечер после 17.00 часот по локално време во десетици градови на земјата. 

Поголеми протести има кога во Скопје пристигнуваат европски политичари, кои се обидуваат да посредуваат во преговорите за излез од политичката криза. 

Можеби ќе ве интересира

Заев од Брисел: Го очекуваме тоа што ни е ветено

Заев од Брисел: Го очекуваме тоа што ни е ветено

ФАКТОР НА ДЕНОТ: Македонија протерува руски дипломат, во меѓувреме се појавија нови снимки од конгресот на СДСМ

ФАКТОР НА ДЕНОТ: Македонија протерува руски дипломат, во меѓувреме се појавија нови снимки од конгресот на СДСМ

Државниот пазарен инспекторат има нов директор

Државниот пазарен инспекторат има нов директор

До 1-ви јуни останува на сила полицискиот час

До 1-ви јуни останува на сила полицискиот час

Ќе има јавна дебата за Законот за дивоградби

Ќе има јавна дебата за Законот за дивоградби

Вчера имало две групни тепачки во Скопје

Вчера имало две групни тепачки во Скопје

Грција и Бугарија имаат најголем интерес нашата европска приказна да успее, вели Димитров

Грција и Бугарија имаат најголем интерес нашата европска приказна да успее, вели Димитров

Заев повторно патува во Брисел - со кого ќе се сретне?

Заев повторно патува во Брисел - со кого ќе се сретне?

Зошто Пендаровски се вакцинираше во Куманово?

Зошто Пендаровски се вакцинираше во Куманово?