„За заедничка Македонија“ повика граѓаните да се мобилизираат идната недела
Објавено во: Македонија 08 Април, 2017
Од граѓанската иницијатива „За заедничка Македонија“ велат дека следната недела ќе биде клучна, особено првите три дена.
Богдан Илиевски од иницијативата „За заедничка Македонија“ денеска пред Собранието ги повика сите граѓани да се мобилизираат тие денови. Поддржувачите на иницијативата денеска со автомобили од кои се вееја македонски знамиња тргнаа од две локации во Скопје, спортските сали Борис Трајковски и Јане Сандански, по што двете колони се споија пред зградата на Собранието.
„Она што се обидоа да го направат во четвртокот, на шверцерски начин да изберат претседател на Собранието кој не се откажал од тиранската платформа и веднаш потоа да поминат на избор на Влада ќе се обидат сосема сигурно во овие три дена, пред Велигден да го направат. Тоа не смееме и нема да им го дозволиме“- изјави Илиевски.
Илиевски кажа дека утре нема да имаат активности туку ќе информираат како ќе постапуваат од понеделник, дали ќе се собираат пред Владата како досега или директно ќе доаѓаат пред Собранието.
Оваа иницијатива протестира повеќе од 40 дена за отфрлање на платформата на албанските партии.Освен во Скопје, протести имаше и во повеќе градови во внатрешноста на Македонија.
Можеби ќе ве интересира
МУЦУНСКИ ГО РАЗРЕШИ ВНУКОТ НА АХМЕТИ: Дрин заминува порано од амбасадата во Брисел
ИЗБРАНО НОВО РАКОВОДСТВО НА МАКЕДОНСКИОТ ПОЛИЦИСКИ СИНДИКАТ: Еве кој ќе го води
НЕКОЈ ИМ СЕ ЗАКАНУВАЛ НА ПРАТЕНИЦИ: Добиле порака со заканувачка содржина
ПРЕТРЕС КАЈ ДВАЈЦА ПОЛИЦИСКИ СЛУЖБЕНИЦИ: Пронајдени автоматска пушка, два пиштоли и друго оружје
„ЈАС СУМ СЛОБОДНА, ЗОШТО МИСЛИТЕ ДЕКА НЕ СУМ?“: Катица Јанева вели од 2022 оди на викенди
ПОРАНЕШЕН ЗАТВОРЕНИК СТАНА ЗАМЕНИК ДИРЕКТОР НА ЗАТВОРОТ ИДРИЗОВО: Левица со обвинување
ДЕСЕТ ЗДРАВСТВЕНИ УСТАНОВИ ДОБИЈА НОВИ В.Д. ДИРЕКТОРИ: Еве кои се
СРПСКИ ПОЛИЦАЈЦИ ЌЕ ВОВЕДУВААТ РЕД ВО ОХРИД: Србија ни „позајмува“ четворица полициски службеници во август
