Добивај вести на Viber
Растот на БДП во првите три месеци од годинава е на ниво од 3,2 отсто. За едни тоа е добро, за други е под очекувањата.
Со оглед дека Македонија очекува оваа година раст од 4, 1 отсто, според проекциите, ова е знак дека тешко ќе се стаса до таа бројка. Уште повеќе што НБМ веќе предупреди дека политичката криза и кумановските настани веќе продуцираа психолошки ефект во земјата.
Некои инвестиции се одложуваат, потрошувачката паѓа.
Како и да е, 3, 2 отсто не е лош резултат за Македонија. Тој е во рамките на просекот што се остварува изминативе години.
Според податоците на Државниот завод за статистика, растот од 3,2 отсто во најголема мера се должи на неиндустриските дејности. Она што е исто така забележително е што економистите очекуваат дека во следните квартали ќе забави растот како резултат на кризата, а бизнисмените веќе порачаа и побараа што поскоро да се стави крај на политичката војна во Македонија.