ЗАБОРАВЕНИ И ОБЕСПРАВЕНИ: Oдат пеш, а потоа со воз или автобус стигаат на работа
Објавено во: Македонија 18 Октомври, 2018
Во многу краеви во Македонија каде има мал број на жители и каде нема редовни сообраќајни врски или пак инфраструктурата е лоша, да се стигне на работа во град е голем терет за работниците.
Работниот ден сосе превозот мора да биде детално испланиран, така што некогаш е потребно и да станат два часа порано за да навреме стигнат на работното место.
Овие луѓе од политичарите и партиите се заборавени и тие ги посетуваат само за избори. Прилепското село Слепче денес има триесетина постојани жители, кои мора да одат пеш, а потоа да се качат во воз за да стигнат на работа во Прилеп. Од градот се оддалечени 23 км.
„Друго превозно средство освен воз нема. Најмалку 30 минути се оди пеш до железничка во селото, а оттука има уште 30 минути возење со воз до Прилеп. Мора луѓето кои работат да патуваат со воз или да живеат под кирија во Прилеп. Тешко е и затоа народот се сели“ - вели човек од Слепче кој живее во Скопје.
Вакви неразвиени места има насекаде низ Македонија. Таков е случајот и со малото кумановско село Вак'в, кое е на 18 км од градот и кое нема пат.
„За да стигнам на работа, морам еден час порано да сум подготвена, да одам пеш два км до селото Пчиња, па оттука да фатам автобус и за 20 минути сум во градот. Јас веќе се навикнав, но кога времето е лошо, врне, мора некој од дома да ме превезе до соседното село со автомобил, што е обврска плус. Не ми се случило да работам во зима кога има снег, тоа би било тешко“ - раскажува млада девојка.
Горан А. од селото Самоков близу Македонски Брод, вели дека луѓето во селото кое брои 600 жители и е на 35 км од градот се снаоѓаат како знаат и умеат.
„Патиштата се лоши, некои жители одат на работа со јавен превоз, а некои со автомобили, се снаоѓаат. Се возиме 30 минути до градот, има многу попатни станици. Овде какви села има, таму со хеликоптер не може да се стигне, не пак со автомобил. Целиот крај е неразвиен“- додава Горан А.
За работа е тешко, и вели дека луѓето работат само колку да не седат дома. Избор за нешто подобро нема.
Сања Атанасовска* Наградата се доделува на котирано друштво, избрано со гласање преку онлајн анкета на веб страниците на Берзата и интернет порталот „Фактор“, кој е партнер на Берзата во доделувањето на оваа награда. Гласањето се врши паралелно на двете веб страници и акцијата на издавачот што ќе има најмногу гласови од двете анкети збирно, ќе биде прогласена за Акцијата на годината по избор на јавноста за 2024 година.
Предмет на анкетата е листа од десет котирани акции, избрани врз основа на остварениот промет и транспарентноста во нивното работење.
Можеби ќе ве интересира
ЗНАМ: Некои само декларативно се залагаат за соживот и не ги почитуваат симболите на државата во која се родиле
„ДОДЕКА ТОШКОВСКИ СО СВОЈОТ ТИМ ДО ТРИ ПО ПОЛНОЌ РАБОТЕШЕ НА ОТКРИВАЊЕ НА СТОРИТЕЛИТЕ, ...“ - еве каде, според Салиу, бил заменикот
Професор Чибишев: Загадениот воздух доведува до респираторни заболувања, до зголемен ризик од кардиоваскуларни болести, мозочни удари и дури и појава на малигни тумори
Две жртви на недоизградениот автопат Кичево - Охрид
ПЕРИНСКИ ИЛИ ЃОРГИЕВСКИ, КОЈ ЌЕ БИДЕ СЛЕДЕН КАНДИДАТ ЗА ГРАДОНАЧАЛНИК ОД ВМРО-ДПМНЕ? Николоски открива во Бизнис муабети на Фактор, целиот поткаст гледајте го тука
Мицкоски: Приведени се осум лица што го сквернавеа македонското знаме
СЕ ОГЛАСИЈА ОД ВРЕДИ ЗА ЗНАМЕТО: Масовната прослава ги поттикна дестабилизаторите, најостро го осудуваме палењето знамиња
УНИШТУВАЊЕТО НА МАКЕДОНСКОТО ЗНАМЕ СТАСА И ДО РЕГИОНАЛНИТЕ МЕДИУМИ: Наголемо се пишува што се случуваше синоќа за време на прославата на Денот на албанското знаме
СЛАВЕЈЌИ ГО ДЕНОТ НА АЛБАНСКОТО ЗНАМЕ, СЕ ВОЗЕА НА КРОВ ПА ИСПОПАЃАА СРЕДЕ УЛИЦА: Дали прославата ги премина границите?
