Забранет ловот на дивеч во Полошко
Објавено во: Агробизнис 01 Февруари, 2013
Од денеска стапи во сила забрана за ловење дивеч на ловиштата во Полошко. Притоа забраната не важи за прелетна и штетна дивеч, информираше портпаролот на СВР Тетово Марјан Јосифовски.
Прелетната, согласно Законот за ловство, ќе може да се лови со поединечни дозволи, но само за викендите и државните празници, а штетната исклучиво со групни дозволи, односно во посебно организирани хајки.„Зависно од видот на дивечот ловостојот ќе трае до август или октомври и секое негово непочитување ќе биде соодветно санкционирано со поднесување пријави и времено одземање на ловечкото оружје“, посочи Јосифовски кој укажа дека ловењето во период на ловостој е кривично дело за кое следи парична или затворска казна од една до три години.
Кривично дело е и ловење риба во период на забрана за кое сторителите ќе се соочат со парична или затворска казна од шест месеци до пет години.
