Забрзува падот на индустриската активност во еврозоната

Добивај вести на Viber

Индустриската активност во еврозоната и во октомври продолжува да паѓа, вече 15-ти месец по ред, погодена од погубниот пад на производство и новите нарачки,објави „Markit“. Маркитовиот индекс за еврозоната во октомври е намален на 45,4 поени од 46,1 поени претходниот месец. Со тоа е благо корегиран нагоре, наспроти првичните предвидувања дека ќе се спушти до 45,3 поени. Сепак, останува под 50 поени што е лош показател. Производителите треба да бидат движечката сила на еврозоната за нејзино закрепнување од последната рецесија, но кризата во фабриките која започна во посиромашните земји од еврозоната, сега се прошири и на водечките економии како Германија и Франција. "Секторот Производството зачекори во последниот квартал на 2012 година со разочарувачки резултати, и пад на активноста. Податоците за одделните држави, исто така, нудат мрачни прогнози. Слабостите во периферниот дел на еврозоната сега се во комбинација со слабеењето на некогаш силната економија на Франција и Германија", главниот економистна Маркит, Крис Вилијамсон. Претходно објавените податоци од Германија, најголемата економија во Европа, покажаа пад на индустриската активност во октомври, осми месец по ред. Франција сеуше добро се држи, а во Шпанија, темпото на пад индустриската активност забрза во октомври, а слична е состојбата и во италијанскиот производствен сектор. Исклучок е Ирска, чиј индекс порасна на 52,1 поени во октомври и е на највисоко ниво во последните три месеци.