Задолжување: Нови 97 милиони евра за модернизација на Клиничкиот центар во Скопјe
Објавено во: Економија 10 Јуни, 2015
Собранието на Република Македонија денеска по скратена постапка изгласа ново задолжување од 97 милиони евра. Македонија ќе го земе овој кредит од Банката за развој при Советот на Европа за изградба и модернизација на Клиничкиот центар во Скопје и регионалната клиничка болница во Штип, пренесе Фокус.
-Реализацијата на проектот за изградба и модернизација на Клиничкиот центар претставува историски момент во здравството на Република Македонија. Проектот претставува столб на реформите во македонското здравство. Со него се овозможува консолидација на здравствениот систем на земјава согласно европските стандарди, рекоа од пратеничката група на ВМРО-ДПМНЕ.
Како што пренесува овој медиуми, пратеничката од опозицијата, Солза Грчева, прашала каде оделе парите од досегашните задолжувања кога за првпат од 2010 година, сега Неврологија нема своја компјутерска томографија.