Заев: Европа е виновна затоа што чекаме 16 години пред вратите на ЕУ
Објавено во: Македонија 28 Мај, 2021
Премиерот Зоран Заев вели дека Европа е виновна затоа што чекаме 16 години пред вратите на Европската Унија.
Тој ја замолува Бугарија да даде поддршка на земјава. Премиерот порача дека секогаш се добредојдени пријатели кои сакаат да помогнат, но потенцира дека ова е билатерален проблем и така треба да се решава.
„Јас едно ќе кажам, Европа е кабаетлија и ни должи. Ни должи многу. Европа е и Бугарија и Грција и сите други членки“, вели Заев.
Бугарскиот претседател Румен Радев рече дека претседателот на Италија, Серџо Матарела е целосно солидарен со нивниот став за пристапување на Република Северна Македонија и Албанија во Европската Унија. Тој вели дека сакаат да ги видат овие земји на европскиот пат, но мора да ги исполнуваат критериумите.