Заев и денес пред јавниот обвинител за истрагата за изборите

Добивај вести на Viber

Првиот човек на СДСМ кој го чека мандатот за состав на нова влада, Зоран Заев денеска повторно треба да се појави пред јавниот обвинител во скопското обвинителство во врска со истрагата за финансирање на кампања.

Според најавите на ОЈО Заев денеска би требало да направи увид во доказите, а ОЈО го товари за изборни нерегуларности и злоупотреба  на средства за финансирање на изборна кампања. 

„Постапувајќи по кривична пријава поднесена од надлежна институција, Основното јавно обвинителство – Скопје минатата година оформи предмет против едно лице – организатор на изборна кампања и други лица, како и против едно правно лице за сторено кривично дело – Злоупотреба на средства за финансирање на изборна кампања од член 165-а од Кривичниот законик. Делата за кои е отворена постапката се во врска со употреба на недозволиви средства за изборна кампања и давање на лажни податоци во финансиските извештаи, претходно соопшти ОЈО.

Во основното јавно обвинителство е отворен предмет за изборни измами и злоупотреби на службените овластувања во вршење на функцијата на поранешни високи функционери во МВР и други луѓе од Скопје, Куманово и Струмица.