Заев и Димитров постигнаа ефект кај грчките медиуми
Објавено во: Македонија 11 Јуни, 2018
Возењето квадрицикли, фотографирањето и давањето меѓусебна поддршка преку коментари на социјалните мрежи го даде ефектот кај грчките медиуми, по објавите дека премиерот Зоран Заев и министерот за надворешни работи Никола Димитров не се на иста линија околу спорот за решавање на името.
Грчките медиуми толкуваат деа со овој чин двајцата функционери сакаат всушност да испрата порака до Атина.
„Симболична фотографија и порака на Заев и Димитров до Атина: На иста линија“; „Заев-Димитров: На иста линија и на заеднички одмор“; „Твитот на Заев со порака за неговите односи со Димитров“; „Прошетката со мотори и пораката на Заев до Атина за скопското прашање“; „Заев и Димитров се возат на мотори“, се дел од насловите во онлајн изданијата на грчките медиуми.
Онлајн изданијата на медиумите во Грција, ги пренесоа, како фотографиите така и пораките што ги напишаа Заев и Димитров.
– Личен демант на шпекулациите според кои е во несогласување со министерот за надворешни работи, Никола Димитров, објави премиерот на ПЈРМ, Зоран Заев, паралелно испраќајќи порака до Атина, пишува информативниот портал „Iefimerida“.
– Сѐ е во ред е пораката што очигледно сакаше да ја испрати премиерот на ПЈРМ Зоран Заев за неговите односи со МНР Никола Димитров по бурата написи во медиумите дека постои несогласување во спорот за името, коментира порталот „Reader“.
– Премиерот на Скопје во објава на социјалните мрежи, заедно со фотографиите напиша: На иста линија, сакајќи да ги урне сценаријата според кои има различен став со неговиот министер за решавање на скопското прашање, пишува онлајн изданието на весникот „Елефтерос типос“.