Заев ја сочува Владата, побара од опозицијата да се вклучи во реформите
Објавено во: Македонија 11 Април, 2018
Со само 40 гласа за и двајца воздржани македонската опозиција не успеа да изгласа недоверба за владата предводена од премиерот Заев Заев. Мнозинството на пратеници одлучи да не ја поддржи интерпелацијата поднесена од страна на ВМРО-ДПМНЕ и со 62 гласа против ја одби недовербата на Владата.
Тоа значи дека без никакви проблеми Владата на премиерот Заев и неговата коалиција ќе продолжи да функционира.
Тој во одбраната пред пратениците посочи дека очекувал многу повеќе од поднесената интерпелација и ја повика опозицијата да не ги повторува грешките од минатото и да се вклучи заеднички во реформските процеси за изградба на едно општество за сите, додека пак на претседателот на државата Иванов му порача да му даде шанса на Законот за употреба на јазиците со што ќе се надминат многу меѓуетнички проблеми и ќе се гарантираат права кои се наведени во Уставот.