ЗАЕВ НА ОБВИНИТЕЛНА КЛУПА: Ќе почне ли конечно рочиштето за „Поткуп“?

Добивај вести на Viber

После неколку закажувања и одложувања, опозицискиот лидер денеска повторно ќе седне во обвинителната клупа.

Во 10 часот треба да стартува рочиштето за случајот „Поткуп“ каде што Зоран Заев, првиот човек на СДСМ, се товари за наводно мито.

Заев дека случајот што се води против него

 е смешен и дека никаде во светот не постои обвинение за поткуп без да бидат дадени парите.

„Поради тоа, ние поднесовме кривични пријави против човекот што се обидува да ме намести за поткуп и обвинителот што го води предметот. Надвор од сите законски процедури и нормативи воспоставено е следење лично мое, на телефоните и физичко следење, а никако не можеме да дојдеме до наредбите за тоа, кои имаме право да ги добиеме како одбрана, но секако во развојот на овој процес јавноста ќе биде секогаш транспарентно и навремено информирана“, изјави Заев.

Овој предмет СЈО побара да го земе во свои раце, но од обвинителството на Зврлевски дека предметот што го бара СЈО не е поврзан ниту, пак, произлегува од содржината на незаконското следење на комуникациите.

Обвинителството го товари Заев во својство на градоначалник на Општина Струмица, и велат дека од струмичкиот бизнисмен Иван Николов, Заев побарал поткуп од 163.924 евра, или по две евра за еден квадратен метар градежно земјиште во Струмица.