Заев: Наследивме разрушен државен систем, заедно можеме да ја изградиме достоинствена Македонија
Објавено во: Македонија 11 Април, 2018
Премиерот Зоран Заев по исцрпната дебата по поведената иницијатива за интерпелација на Владата од страна на опозициската ВМРО-ДПМНЕ, ги даде одговорите на сите упатени критики и забелешки, како за реформските процеси, така и за остварување на стратешките определби.
„Мнозинството подаде рака кон опозицијата за нејзино учество во работата на Собранието со свои идеи и предлози, за излез од политичката криза и надминување на заробената држава со остварување на тесно партиски и лични интереси.
Затекнавме состојба на големи злоупотреби, се соочуваме со последици и закани во системот на институции. Имаме наследени ситуации со штетни и коруптивни договори, наследен долг од 270 милиони евра за проектот Скопје 2014 за што би платиле огромни пенали кои ќе бидат на штета на граѓаните. Затекнавме и 383 милиони евра неплатени обврски кон добавувачи од претходната влада.
Опозицијата мора да ги преиспита своите претходни политики кои се ретроградни и мора да учествуваат сега конструктивно во реформите без стеги од криминалното наследство.
Неохподна е вклученост на сите одговорни политички фактори, системот мора да се регенерира од внатре и не може да биде увезен од страна. Парламентарното мнозинство презеде одговорност за реформите и треба да направиме од Република Македонија достојно место за живеење со реализирани стратешки определби за членство во НАТО и ЕУ.
Знам дека не му е лесно и на новиот опозициски лидер Мицкоски и затоа ја прифатив оваа иницијатива за гласање доверба со цел да ги корегираме сите недостатоци, но очекував многу повеќе. Опозицијата нема ниту еден силен или реален аргумент, особено за реформскиот план 3-6-9 за што е потребен и ваш придонес за негова целосна реализација“, рече премиерот Заев во неговата одбрана зошто Владата треба да ја добие довербата од парламентарното мнозинство.