Заев објасни на кој начин ќе се субвенционираат вработувања
Објавено во: Македонија 18 Септември, 2020
Субвенции за вработување ќе има за сите етнички заедници.
Мерките со кои ќе се помага вработувањето ќе се разгледуваат во наредниот период.
Премиерот Зоран Заев најави дека ќе се субвенционираат вработувања во приватни компании без оглед на етничката припадност. Тој вели дека сака да ја расчисти маглата и дека субвенции ќе има за сите граѓани.
Владата ќе дава поддршка при отворањето на фабрики, а ќе се применува и Законот за стратешки инвестиции.
Планирано е најмногу вработувања да има во Тутунскиот комбинат во Куманово, проектот на Еколог во тетовскиот регион вреден 300 милиони евра како и дигитален центар во Карпош кој ќе нуди работа на кадри од областа на информатичката технологија.
Вицепремиерот Артан Груби вчера најави дека вработувањата ќе бидат по етнички клуч затоа што нивниот број во приватните фирми бил мал.
Опозицијата од албанскиот политички блок не верува дека ваквата идеја ќе се реализира.
За ваков тип на субвенционирање веќе имаше реакции дека претставува дискриминација.
Уште во текот на кампањата ДУИ ја споменуваше оваа идеја, за вработување по етнички клуч во приватните компании.