Заев по одлуката на ЕУ: Првата меѓувладина конференција што е можно побргу
Објавено во: Македонија 24 Март, 2020
По денешната одлука на ЕУ да одобир преговори со Македонија, претседателот на СДСМ, Зоран Заев, најави дека првата меѓувладина конференција ќе се одржи најбрзо што може.
„Донесена е одлука! Северна Македонија почнува преговори за членство во Европската Унија. Историска одлука во овие тешки времиња за нашиот народ.
Нема веќе никакви пречки ниту услови. Европската Комисија треба да ги спроведе подготовките, а првата меѓувладина конференција ќе се одржи најбрзо што може“, напиша Заев на Фејсбук.
Лидерот на владеачката партија додаде дека и натаму продолжува борбата со корона-вирусот.
„Честитки граѓани, како што успеавме да се кренеме на патот до НАТО и ЕУ, така заедно ќе се справиме и со заразата која го напаѓа светот!“, допиша Заев.