Заев постигна усмен договор со исклучените пратеници на ВМРО-ДПМНЕ
Објавено во: Македонија 02 Ноември, 2018
БЈРМ: Договор со ВМРО-осум за измена на Уставот
Владата на Зоран Заев постигна усмен договор меѓу новата парламентарна група од осум членови исклучени неодамна од ВМРО-ДПМНЕ за уставните измени по состанокот на двете страни.
Конечната одлука ќе биде донесена денеска, иако за сега не е познато што точно ќе има во промените на Уставот на барање од опозициската пратеничка група и што е договорено од двете страни.
Пратениците од ВМРО-ДПМНЕ гласаа за уставните измени на 19-ти октомври со барање да има амандманска гаранција за "македонскиот идентитет" во уставните измени.
Предлог-амандманите на Уставот се очекува да бидат поднесени денеска.
По неформалниот договор, се чини дека конечно се отвора патот за уставни измени во контекст на ратификацијата на Договорот од Преспа од потребното двотретинско парламентарно мнозинство.
Премиерот Заев веќе даде оптимистички изјави дека очекува и од други опозициски пратеници да се приклучат кон изгласувањето на новиот Устав.