Заев: Процесот бара инклузивност и одговорност со цел градење национален консензус, тоа им го должиме на граѓаните

Добивај вести на Viber

Премиерот Зоран Заев вели дека имале информативна средба на политичките претставници на која беа презентирани и дискутирани предложените идеи од медијаторот Метју Нимиц, по што размениле информации, мислења и за разговорите меѓу Заев и премиерот на Грција, Алексис Ципрас.

Според премиерот, овој процес бара инклузивност, посветеност и политичка одговорност со цел градење национален консензус во Република Македонија. 

„Со решавањето на билатералниот спор кој трае 25 години имаме цел да обезбедиме напредок и интеграција на Република Македонија во ЕУ и НАТО, како и заштита на националните интереси и достоинството на нашиот народ. За да ги оствaриме овие цели неопходна е вклученост на Владата, опозицијата, Претседателот на државата, како и навремено и објективно информирање на граѓаните на Македонија. За тоа е потребна политичка волја и храброст од наша страна, но решение е можно доколку таква политичка волја постои и на грчката страна. Интеграцијата, заедно со реформите и економските реформи се клучни за подобар живот на сите граѓани во Република Македонија“ - изјави Заев. 

Тој вели дека на оваа тема ќе разговараат во Македонија, со домашните политички чинители, но и со соседна Грција.