Заев: СДСМ ќе ја води Македонија во духот на европските вредности
Објавено во: Македонија 25 Март, 2017 18:40
Претседателот на СДСМ, Зоран Заев, во чест на одбележувањето на 60-годишниот јубилеј од потпишувањето на Римскиот договор, со којшто се поставени основите на Европската Унија, во свое име и во име на СДСМ, денеска упати честитка до амбасадорот на ЕУ во Македонија, Самуел Жбогар и до делегацијата на Европската комисија во Македонија.
„Востановените европски вредности се патот за демократски развој и унапредување и усовршување на демократските процеси како за земјите членки, така и на земјите аспиранти за членство во Унијата, независно од предизвиците пред коишто е денес таа исправена.
60-годишниот јубилеј на ЕУ е доказ дека е ова успешен проект за успешна иднина на државите членики на Унијата, како и на регионот што очекува интеграција.
Убеден сум дека единството, солидарноста и заедничката иднина на ЕУ, како и отвореноста на Унијата кон нови земји членки ќе продолжи да генерира стабилност и безбедност, економски просперитет и квалитетен живот на граѓаните од државите кои гравитираат на европското тло.
Во оваа прилика ја нагласувам цврстата определеност на СДСМ, како политичка партија, но и како субјект којшто очекувам дека ќе ја предводи новата реформска Влада во Македонија, за европска перспектива на Република Македонија во духот на европските вредности. Одлучни сме да воспоставиме независни државни институции, владеење на правото и правната држава, економски развој и социјална кохезија во земјата, преку развој на концетот на заедништво, наспроти концептот на поделби, како и интеграција, наместо политиките на изолација што изминатиов период ја загрозија европската иднина на Македонија.
Низ заедничка соработка со ЕУ како и досега, базирана на принципиелна и демократска основа, преку реформските процеси што ќе ги преземеме во периодот што престои, очекувам отворање на вратите на Европа за граѓаните на Република Македонија“, порача Заев во писмото.
Можеби ќе ве интересира
ФАКТОР НА ДЕНОТ: Надминат прагот на загадување во повеќе општини, издадени се препораки
ПРЕПОРАКА: Бремените и хронично болните да се ослободуваат од работа
(ВИДЕО) Русковска го пријавила Боки 13 во полиција за телефонско вознемирување
Мицкоски за реакцијата на грчкото МНР: За мене Македонија е свето име
Двајца затаиле данок од над еден милион евра од трговија со злато и накит, обвинителството бара притвор
Пријава од полиција: Кандидат за градоначалник давал по 1.000 денари за да се гласа за него
ГОТОВ Е ОБДУКЦИСКИОТ НАОД НА ПОЧИНАТОТО НОВОРОДЕНЧЕ: Причина за смртта е незрелост на белодробието
ВМРО-ДПМНЕ ИЗГЛАСАЛЕ ИЗМЕНИ НА ЗАКОНОТ ЗА СТРАНЦИ: Кузеска тврди тоа е за потребите на стратешкиот договор, за стратешки проекти
Надминат прагот на загадување во Центар, Гази Баба, Карпош, Лисиче и Ректорат, објавени мерки и препораки




