Заев: Tреба пријави за тие што го наведувале Николов
Објавено во: Македонија 26 Март, 2018
Премиерот Зоран Заев по денешното рочиште за „Поткуп“ на кое беше испрашуван сведокот бизнисменот Иван Николов, изјави дека можеле да се видат признанија од сведокот дека бил инструиран од МВР и ОЈО.
„Јас јавно прашав, а редот беше тој да каже дека се отворени други истраги и како тие се затворени пред тој да биде соработник на власта. Тоа требаше тој да го каже, но истрагата нека докаже како тоа се поклопува со ПИ мерките и неговото инволвирање во овој процес. Верувам дека после овие искази на сведокот треба да следуваат други пријави против службени лица за тоа како му се наредувало и објаснувано. Мојот адвокатски тим ќе одлучи како понатаму“- Заев.
За тоа дали СЈО поседува „бомби“ во врска со овој случај, Заев вели дека има, дека ги слушнал и дека се работи за прислушувани разговори и пред и по овој период.
Претходно на рочиштето Заев му поставуваше прашања на Николов во врска со нивните средби, разговорите и директно го праша дали зел мито, на што Николов одговори со „не“.