Заев: Во пријателска атмосфера до двотретинско мнозинство
Објавено во: Македонија 09 Октомври, 2018
Зоран Заев, премиерот на Македонија, на брифинг со новинарите изјави дека коалицијата „За европска Македонија“ може без проблем да обезбеди двотретинско мнозинство на избори, но ќе се загуби многу време надвор од роковните рамки на преспанскиот договор, и затоа се оди на варијантата на суптилно убедување на опозицијата.
- Се се исцрпи, се се издебатира, сега да покажеме дали сме за ЕУ и НАТО Тоа што советник во општина Куманово кажал дека има повеќе од 80 пратеници обезбедени за уставни измени не треба да се избрзува, тоа не оди така, станува збор за дијалог и пријателска атмосфера. Ќе покажеме се што знаеме и можеме. Ако нема две третини, преостанува само избори, бидејќи нема друга опција. Ние ќе имаме двотретинско мноизнство преку избори, ама ќе отидат два три месеци и многу изгубено време - рече Заев.
Потврди дека како дел од Спогодбата од Преспа од следната година поинтензивно ќе се разговара и со министерот за наука и образование.
- Се работи за наши ученици и не смееме да им вбризгуваме отров преку книгите. Знам само дека треба да се променат одреден дел од учебниците за односот кон Грција - вели премиерот.
Коментирајќи ги амандманските измени кои вчера ги објави Владата, тој рече дека тие реално ја отсликуваат вистинската ситуација во Македонија.