ЗАГАДЕНИОТ ВОЗДУХ ГО ЗГОЛЕМУВА РИЗИКОТ ОД АУТИЗАМ: Научниците од Харвард докажуваат

Добивај вести на Viber

Енормното загадување на воздухот, изложеноста на ПМ честичките, освен што имаат низа негативни по дишните патишта и резултираат со респираторни заболувања, голем број експерти ја докажуваат и врската меѓу аерозагадувањето и појавата на аутизам. Нучниците од Универзитетот Харвард во својата последна студија докажаа дека зголемената изложеност на воздух загаден со ПМ честички го зголемува ризикот од аутизам за 31 отсто во третиот триместар од бременоста и за 64 отсто кај новороденчињата.

Српскиот генетичар Миодраг Стојковиќ за Euronews Србија вели дека постојат студии кои го докажале тоа.

„На пример, жените кои се изложени на вакво загадување на воздухот за време на бременоста, за жал, почесто имаат потомци кои подоцна ќе страдаат од аутизам“, рече тој.

Зголемениот ризик не мора да значи дека ќе се манифестираат аутистичните нарушувања, но овој фактор треба да се земе како предупредување.

Во последните дваесет години бројот на лица со аутизам е зголемен за 30 отсто, вели Стојковиќ. Овој факт може да се објасни и со унапредувањето на дијагностиката, но како причина секако се наведуваат модерниот начин на живот и зголеменото загадување.

Некои претходни студии потврдиле дека загадувањето на воздухот може да има негативно влијание врз когнитивниот развој.

Метеорологот Владимир Ѓурѓевиќ вели дека постојат солидни студии кои покажуваат дека во минатото, бидејќи оловото се користело како додаток на бензинот, имало огромни емисии на олово од издувните гасови на автомобилите.

„Луѓето кои биле изложени на тие големи емисии, акумулирале олово во нивните тела вдишувајќи го од воздухот, и било забележано дека имаат намалени когнитивни способности“, вели тој.