Захариев заминува од директорското место во Бирото за лекови

Добивај вести на Viber

Максимално ефикасно работење, непостоење бирократски процедури, стручен кадар максимално посветен се принципи на работење по кои сме препознатливи во Бирото за лекови. Имаме германска дисциплина во работењето, швајцарска прецизност и точност, италијанска елеганција, шведска перфекција и секако онаа убавина што постои, македонска, во она што ние го сработуваме, изјави денеска директорот на Бирото за лекови, Илчо Захариев на кој се повлекува од директорската функција во Бирото откако беше избран за градоначалник на Штип.

„Бирото за лекови е средена институција. Тој што ќе дојде после мене ќе му биде полесно бидејќи има средена состојба. Можеби ќе му биде малку потешко бидејќи треба да работи како мене. Во Македонија има 2.000 фармацевти, сите имаат свои квалитети. Мислам дека во Бирото ќе го избереме најдобриот кој ќе може да се носи со предизвикот да биде директор на Бирото. Моја желба е на местото директор да биде вработен од Бирото за лекови бидејќи ни треба човек кој ги знае работите,“ рече Захариев.

Тој потсети и дека во периодот на неговото директорување се донесени неколку важни закони, стотици правилници,  аптеките се снабдени со лекови, а нивните цени се намалени за да бидат подостапни за граѓаните.