Законските измени: Се прави регистар на увозници на вино, нови обврски за винариите
Објавено во: Агробизнис 17 Јануари, 2013 16:33
Доуредување на односите меѓу производителите на винско грозје и на вино, заштита на нивните интереси и на интересите на потрошувачите, подобрување на функционалноста на внатрешниот и надворешниот пазар на винското грозје и виното, како и уредување на увозот на вино во Република Македонија, се основните цели на измените и дополнувањата на Законот за вино кои денеска го поминаа првото читање во собраниската Комисија за земјоделство, шумарство и водостопанство.
Со новиот Предлог текст се предвидуваат дополнителни механизми за обезбедување гаранции за исплата на земјоделските производи со цел надминување на досегачните проблеми со откуп на грозјето.
„Винарските визби се обврзани да доставуваат финансиски извештај за исплатеното грозје, односно за подмирените обврски кон лозарите во претходните години. Ако тоа не го сторат, нема да добијат дозвола за натамошен откуп“, посочи ресорниот заменик министер Зоран Коњановски.
Од аспект на здружувањето на производителите на вино, законот предвидува основање македонска национална асоцијација на винарии. Нејзини членови може да бидат сите регистрирани производители на вино во Македонија. Се предлага и воспоставување регистар на увозници на вино со цел водење конкретна, точна евиденција на внесените количини, додека за подобрување на функционалноста на надворешниот пазар ќе се уреди и сегментот извоз на производи од винско грозје и производи од вино што во постојното решение не беше доволно третиран.
Измени има и во прекршочните одредби кои во досегашната примена на Законот не го остварија посакуваниот ефект. Со Предлогот се предвидува зголемени глоби за дел од прекршоците кои сериозно го загрозуваат функционирањето на пазарот и можат да имаат негативно влијание на здравјето на потрошувачите на вино, стои во образложението.
* Македонска берза и оваа година во соработка со Фактор доделува повеќе награди во различни категории за „Акција на годината“ при тргувањето со хартии од вредност.
Еден од критериумите за доделување на признанијата ќе биде и мислењето на јавноста. Гласањето ќе се одвива до 12 декември, а предвиден термин за доделувањето на самите награди е 23 декември.
Од таму, може да гласате за едно од следните котирани друштва:
Можеби ќе ве интересира
ИМА ДОБРИ ПРИНОСИ, А БАРА МАЛКУ ЃУБРИВО: Оваа култура станува популарна во Војводина
Koj е најголемиот европски центар за производство на зеленчук?
