ЗАПАЛЕНО УШТЕ ЕДНО ВОЗИЛО НА КОМАНДИР ВО ИДРИЗОВО: Колата е пеплосана, изгорела и гаражата! (ФОТО)
Објавено во: Македонија 26 Јуни, 2023
Во три часот утринава, во населбата Илиден, целосно било запалено возилото од марката „Рено Клио“ на командирот во Идризово, ексклузивно дознава Фактор.
Огнот, освен што целосно го пеплосал возилото, ја зафатил и гаражата каде автомобилот бил паркиран.
За среќа во инцидентот нема повредени.
Од МВР го потврдуваат случајот.
„ На 26.06.2023 во 03.05 часот во СВР Скопје било пријавено дека во населба Илинден биле опожарени гаража и патничко моторно возило „рено клио“ со скопски регистарски ознаки, сопственост на Г.Б.(50) од Скопје. Повредени лица нема. Увид на местото на настанот извршила екипа од СВР Скопје и се преземаат мерки за расчитсување на случајот“, информираат оттаму.
Ф.Р.
ФОТО: Фактор