Започна интензивна промоција на македонскиот туризам
Објавено во: Економија 18 Јуни, 2015
Со традиционална македонска музика, дегустација на вино, и наградни игри започна промоцијата на македонскиот туризам пред бугарските граѓани во Софија.
Огранизатор на „Денови на македонскиот туризам“ во Софија е Агенцијата за промоција и поддршка на туризмот (АППТРМ).
Овие промотивни денови се прават со цел да го зголемат бројот на туристи од сеседството и да се афирмира почнатата туристичка сезона, да се претстави туристичкиот производ од Македонија и можноста за зголемување на бројот бугарски туристи кои традиционално секоја година ја посетуваат нашата земја.
Од агенцијата велат дека ваквите активности се корисни за развој на туризмот, и позитивно се одразуваат на зголемување на бројот на туристи кој во последните години е зголемен за 15 проценти.
Дел од промоцијата се и наградните игри, во кои најсреќните ќе добијат автентични производи од Македонија, охридски бисери, филигран со македонски рубин и викенд во Охрид за двајца.