16 Јуни, 2019
0.0171

Започнаа испитувањата за староста на Охридското Езеро

Објавено во: Мои пари 05 Април, 2013

Започнаа активностите во рамки на проектот кој во соработка со Хидробиолошкиот завод од Охрид го споредува Универзитетот во Келн за утврдување на староста на Охридското Езеро, климатските промени во регионот низ времето и настанување на живиот свет во него. Како што беше појаснето на денешната прес-конференција, веќе се врши дупчење на седиментот на дното во централниот дел на езерото, каде е предвидено да се извадат материјали од длабочина од 680 метри. Директорот на Хидробиолошкиот завод Сузана Патчева истакна дека утврдувањето на точната старост и потеклото на езерото е главната цел на овој проект. - Истовремено ќе се утврдува и уделот на геолошките случувања од минатото на главните еволуциони процеси во езерото кои генерирале екстремно висок диверзитет и ендемореликтен карактер на животинската и растителната населба во езерото, ќе се добијат резултати за тектонските и вулканските промени, но и промените во климатските услови во централниот и северниот дел на Медитеранот и ќе се добијат попрецизни информации за староста и потеклото на Охридското Езеро, рече Патчева. Добиените материјали од дупчењето ќе бидат однесени во Универзитетот во Келн, каде ќе се спроведуваат анализите за потребите на субјектите вклучени во проектот, додека подоцна истите ќе бидат достапни за целата светска научна јавност. Професорот Бернд Вагнер од Универзитетот во Келн, инаку координатор на геолошкиот дел од испитувањето, нагласи дека според досегашните испитувања спроведени на Охридското Езеро се смета за најстаро во Европа, со проценета старост од најмалку два милиони години, меѓутоа додаде дека никогаш однапред не може да се знае што ќе покаже извадениот седиментен материјал. - Резултатите за утврдувањето на староста на езерото зависат од она што ќе биде пронајдено во седиментот, дали тој материјал може да се датира независно дали ќе бидат палеомагнетски инвертери, траги од прашина од вулкански активности, биолошки материјал, рече Вагнер, нагласувајќи дека за тој дел од активностите се ангажирани 30-тина врвни светски експерти за односната проблематика. Станува збор за прв проект што го спроведува Меѓународната програма за научни длабински ископувања , насочен првенствено за испитување на еволутивните промени, а истовремено преку дополнителни истражувања на ДНК-материјал и методот на молекуларни тактови се прави реконструкција на еволуциската историја на избрани ендемични видови. Проектот вреден 2,5 милиони долари се реализира со поддршка на Владата на Република Македонија, а за координатор на неговата имплементација е назначено Министерството за образование и наука. Хидробиолошкиот завод Охрид е институцијата што ќе даде целосна логистичка поддршка при реализација на целите на проектот, додека Капетанијата на пристаништа на Охрид е задолжено за транспортот и поставувањето на опремата на Охридското Езеро.

Можеби ќе ве интересира

Денес започнува „Запознај ја Преспа“ – првиот ден на програмата панел дискусии и богата музичка понуда

Денес започнува „Запознај ја Преспа“ – првиот ден на програмата панел дискусии и богата музичка понуда

Уличен дефект од рано утринава на оваа скопска улица

Уличен дефект од рано утринава на оваа скопска улица

12. Викенд Медиа Фестивал (Weekend Media Festival) од 19. – 22. Септември, 2019 година

12. Викенд Медиа Фестивал (Weekend Media Festival) од 19. – 22. Септември, 2019 година

Нoвите JAGUAR F-PACE И RANGE ROVER EVOGUE ќе ги пречекаат гостите на британската амбасада

Нoвите JAGUAR F-PACE И RANGE ROVER EVOGUE ќе ги пречекаат гостите на британската амбасада

Светски познатиот фотограф Давид Јероу (DAVID YARROW) фотографираше уникатни слики од дивината благодарејќи на новиот LAND ROVER DEFENDER

Светски познатиот фотограф Давид Јероу (DAVID YARROW) фотографираше уникатни слики од дивината благодарејќи на новиот LAND ROVER DEFENDER

Дуално образование - Придобивки и проценка на Европската комисија

Дуално образование - Придобивки и проценка на Европската комисија

Криминалот им цвета на крадците на велосипеди, дреме ли полицијата во главниот град

Криминалот им цвета на крадците на велосипеди, дреме ли полицијата во главниот град

Отворена новата експозитура на ИутеКредит во Струмица

Отворена новата експозитура на ИутеКредит во Струмица

Подгответе се за Hamilton Ventura

Подгответе се за Hamilton Ventura