Започнува судењето, ќе плаќа ли „Македонски железници-Транспорт“ долг од околу 25 милиони евра?
Објавено во: Економија 16 Октомври, 2025 15:23
Од железничкото претпријатие за превоз на патници и суровини - ЖРСМ Транспорт АД не коментираат за детали пред закажаното судско рочиште на 30 октомври на кое ќе се расправа за долгот од околу 25 милиони евра кон Хрватски железници Карго, односно кон побарувачот – компанијата CIOS Zagreb.
Директорот на акционерското друштво во државна сопственост Дејан Кошутиќ, на наше барање,изјави дека од таму ќе чекаат прво да видат каква одлука ќе донесе Судот, а дури потоа ќе се разгледува евентуалната можност да се дојде до некој вонсудски договор со доверителот.
- Овој процес е започнат во 2023, значи за време на претходното раководење, и сега веќе се знае дека во Основен граѓански суд ќе има главна расправа на 30 октомври. Сметаме дека е неблагодарно и не сакаме да преземаме нешто пред да се изјасни судот. Потоа по одлуката, евентуално процесот ќе продолжи и пред Апелација второстепено. Треба да се знае и тоа дека не се работи за чист комерцијален спор, туку покомплициран случај, вели Кошутиќ.
Од 2007 година до денес меѓународно признаен долг на „Железници Транспорт“ од нешто помалку од 4 милиони евра нарасна на цели 25 милиони евра, без претходни предлози за спогодбено решавање на спорот. Пресметките на каматите се согласно правилата за пресметки на Меѓународната железничка унија (UIC). И покрај тоа, институциите остануваат пасивни и без одговор веќе повеќе од една деценија.
„Фактор“ се обрати и до Министерството за транспорт за овој проблкем. Од таму не добивме официјален одговор,но ни беше кажано дека ЖРСМ Транспорт АД како акционерско друштво, а не јавно претпријатие, е одговорно пред себе за своето работење.
Според јавно достапните информации долгот кон Хрватски железници Карго е повеќепати признат. Сепак, државата две децении не преземаше мерки за решавање, а каматата годишно расте речиси за 2 милиони евра.
Македонското железничко друштво за транспорт на стока и патници минатата година ја заврши со долг од над 65 милиони евра и е најголем загубар во државата.
* Македонска берза и оваа година во соработка со Фактор доделува повеќе награди во различни категории за „Акција на годината“ при тргувањето со хартии од вредност.
Еден од критериумите за доделување на признанијата ќе биде и мислењето на јавноста. Гласањето ќе се одвива до 12 декември, а предвиден термин за доделувањето на самите награди е 23 декември.
Од таму, може да гласате за едно од следните котирани друштва:
Можеби ќе ве интересира
ПРЕДНОВОГОДИШНО РИПНАЛЕ ЦЕНИТЕ НА УГОСТИТЕЛСКИТЕ УСЛУГИ: Еве што покажува статистиката
ОД 11 ДЕКЕМВРИ НЕМА ПОВЕЌЕ ВОЗ НА ДЕЛНИЦАТА СКОПЈЕ-ЗЕЛЕНИКОВО: Почнува реконструкцијата на пругата
РКЕ го намали надоместокот за мрежарина за електрична енергија
ДОЦНА НАВЕЧЕР СЕ ПОТПИШУВАА РЕШЕНИЈА: Субвенции за набавка на клима уреди во Скопје
КУПИЛ ДВЕ НАПУШТЕНИ ШТИПСКИ СЕЛА: Косовски бизнисмен бара од Владата да ја гради најголемата фотоцентрала
АЛЕКСАНДАР МАНЕВ ВО „БИЗНИС-КЛУБ“: „Кадарот го создава духот на компанијата“
Венецуела го зголеми дневниот извоз на нафта во ноември
Oва се земји каде трошоците растат, а квалитетот на живот е загрозен
