Засега нема контра мерки за Косово
Објавено во: Агробизнис 26 Јули, 2018
Македонија засега нема да му враќа на Косово со контра мерки, а се очекува целосно повлекување на зголемените царини.
Ова е најновата информација од МЗШВ во однос на воведените зголемени царини од косовската влада за македонски земјоделски производи.
„Разговорите кои Владата на Република Македонија и надлежните министерства ги водеа со Косово во изминатиот период вродија со плод. Приштина, веќе ја повлече зголемената царина за дел од производите“, соопштија од надлежното министерство
Утре, министерот за економија Крешник Бектеши, ќе се сретне со неговите колеги во Косово каде ќе се бара решение и надминување на проблемот.
„Сите досегашни преговори, ни даваат за право да очекуваме целосно укинување на зголемените царини. Затоа во овој момент, Македонија останува на ставот барем засега да не се воведуваат контра – мерки“, стои во соопштението на министерството.
По утрешниот состанок се најавуваатмногу повеќе
детали за наредните чекори а приоритетна цел на министерството за земјоделство
во моментов е утврдување на начин како да ги заштитиме земјоделците, информираат од министерството.
* Наградата се доделува на котирано друштво, избрано со гласање преку онлајн анкета на веб страниците на Берзата и интернет порталот „Фактор“, кој е партнер на Берзата во доделувањето на оваа награда. Гласањето се врши паралелно на двете веб страници и акцијата на издавачот што ќе има најмногу гласови од двете анкети збирно, ќе биде прогласена за Акцијата на годината по избор на јавноста за 2024 година.
Предмет на анкетата е листа од десет котирани акции, избрани врз основа на остварениот промет и транспарентноста во нивното работење.
