Добивај вести на Viber
Синоќа во Лондон синоќа беше затворен годинешниот Светски туристички маркет, најголемата глобална саемско-берзанска манифестација во туризмот, каде што со свои штандови се претставија земјите од сите континенти и најголемите туристички компании од Велика Британија и од светот.
На саемот беа презентирани туристички можности, природните убавини, традициите, но и кулинарските специјалитети, со што учесниците се обидоа да ги убедат бројните тур-оператори да се насочат кон нивните пазари. Лондонскиот туристички маркет стана познат по тоа што на него се претставуваат и држави кои немаат традиција во туризмот, или кои поради вантрешната политичка нестабилност, се уште не може да бидат туристичка дестинација, како што е Либија на пример.
Македонија и оваа година немаше свој штанд, но саемот го посети делегација на Агенцијата за туризам, што ја предводеше директорот Јордан Трајков, кој имаше средби и разговори околу туристичкиот потенцијал и понудата на земјава.