Здравствените инспектори во ненајавена контрола на вработените, без Тодоров!

Добивај вести на Viber

Инспекторите, овојпат без министерот за здравство, Никола Тодооров, во петокот ненајавено проверувале колку го почитуваат работно време вработените во повеќе јавни здравствени установи во Скопје. Така, информираше иректорот на Државниот санитарен и здравствен инспекторат Џевџес Шаќири, имало затечено повеќе неправилности. Непочитување на работно време од страна на вработените имало на Клиниката за дерматологија, Клиниката за ревматологија и Клиника за гастроентерохепатологија. Во останатите Клиники (ОРЛ, Стоматологија, Неврологија, Очно, Ендокринологија и ГОБ „8-ми Септември“), посочи Шакири,  нема неправилности во однос на работно време и вработените. Во Клиниката за дерматологија недостигале двајца вработени, шалтерски службеник и транспортер, додека на гастроентерохепатологија констатирано е отуство на вработен во одделот за финансии, одговорен за електронската листа за редовност. Затоа сите вработени морало да се потпишат сами на списокот на инспекторите. На Клиниката за ревматологија пак за време на инспекцијата ги немало доставувачот, секретарот и сметководителот. Во вонреден инспекциски надзор извршен во четвртокот приквечер, во ГОБ 8-ми Септември во моментот на инспекцискиот надзор немало констатирано неправилности, а како што најави Шаќири инспекциите продолжуваат со засилен интензитет . „За сите констатирани непочитувања на работното време од страна на ДСЗИ ќе бидат известени директорите на здравствените установи, додека за непочитување на работното време од страна на директорите ќе биде известен кабинетот на Министерот за здравство“, рече Шаќири. Претходно во повеќе наврати вакви ненајавени инспекции за јавните установи правеше самиот министер Никола Тодоров. За нив, иако не знаеја здравствените работници, сепак претходно беа информирани медиумите.