,,Зелени огради”-нов проект на Општина Центар

Добивај вести на Viber

Општина Центар во текот на февруари, започна со реализација на проектот „Зелени бордури“, кој опфаќа хортикултурно уредување на различни локации на територија на Општината, со зимзелени нискостеблести садници. Проектот има за цел оформување на бордури и огради во зелените површини, покрај патеките и во жардиниериите околу станбените блокови на различни локации, за да се раззубави просторот, но и да се намали бучавата и загадувањето на воздухот. Досега, оформени се зелени огради во зелените површини по должина на улицата Даме Груев, како и пред влезовите и во зелените површини околу кулите на булевар Мито Хаџивасилев Јасмин до улица Македонија. Во тек е хортикултурно уредување во комплексот кај Агромеханика, а во наредниот период ќе бидат опфатени и следните локации: од булевар Кочо Рацин до Градска болница, околу Зелено пазарче, зад Дом на градежници до булевар Партизански одреди, на улица Народен фронт во Капиштец, како и локации во населба Пролет.