Зеленски донесе одлука, дали се повлекуваат од Бахмут?
Објавено во: Свет 06 Март, 2023
Украинските сили не се откажуваат од одбрана на градот Бахмут.
На средбата, покрај украинскиот претседател Володимир Зеленски и воените команданти, присуствувале и шефот на кабинетот на претседателот Андриј Јермак, шефот на военото разузнавање Кирило Буданов, украинскиот премиер Денис Шмихал и главниот секретар на Советот за национална одбрана и безбедност Олексеј Данилов.
Зеленски и неговите воени команданти одлучија да продолжат да го бранат источниот град Бахмут, кој руските сили и платениците на „Вагнер“ со месеци се обидуваат да го освојат.
„На средбата детално се разговараше за ситуацијата во Бахмут. Учесниците се договорија да продолжат со одбранбените операции и дополнително зајакнување на нашите позиции во Бахмут“, се вели во соопштението.
Жестоки борби има околу Бахмут. Украинските профили на Твитер кои соопштуваат податоци за војната, објавуваат видео на кое се гледа како Русите убиваат Украинец кој вели „Слава на Украина“. Тие повикуваат корисниците на Твитер да го споделуваат видеото, за да види светот што се случува во Украина. Многу Украинци утрово објавија дека загинала лекарка во близина на Бахмут. Руската инвазија на Украина почна лани на 24 февруари.