Земјоделците наскоро ќе добијат 50% поевтина нафта
Објавено во: Агробизнис 19 Март, 2018
Измените на Законот за земјоделство со што се овозможува субвенционирање на зелената нафта, утре влегува во владина процедура, ова го најави ресорниот министер Љупчо Николовски
Со предлогот, на земјоделците ќе им се овозможи за 50 проценти поевтина нафта. Агенцијата за финансиска поддршка ќе им доставува платежна картичка со одреден износ во зависност од големината на земјоделските стопанства.
„Зелената нафта“ од Министерството за земјоделство изминатите месеци се најавуваше како решение кое ќе го ублажи ударот од зголемувањето на акцизата за дизел горивото воведено во ноември 2017.
„Целта на измените е намалување на производните трошоци и поконкурентно производство“, беше ставот на МЗШВ.
Асоцијацијата на земјоделци смета дека купувањето нафта за 30, наместо за 60 денари за литар ќе го ублажи ударот од зголемувањето на акцизата за дизелот и ќе ги намали производствените трошоци.
Националната федерација на фармери (НФФ) според која, секој дополнителен трошок и евентуално поскапување влијае врз земјоделството, исто така очекува „зелената нафта“ да го ублажи ударот од зголемувањето на акцизата за горивото.
* Наградата се доделува на котирано друштво, избрано со гласање преку онлајн анкета на веб страниците на Берзата и интернет порталот „Фактор“, кој е партнер на Берзата во доделувањето на оваа награда. Гласањето се врши паралелно на двете веб страници и акцијата на издавачот што ќе има најмногу гласови од двете анкети збирно, ќе биде прогласена за Акцијата на годината по избор на јавноста за 2024 година.
Предмет на анкетата е листа од десет котирани акции, избрани врз основа на остварениот промет и транспарентноста во нивното работење.
