Земјоделците навалија со барањата за користење средства од ИПАРД
Објавено во: Агробизнис 26 Октомври, 2013 10:50
На осмиот јавен повик за доставување барања за користење средства од ИПАРД програмата се поднесени вкупно 402 барања, соопшти Агенцијата за финансиска поддршка во земјоделството и руралниот развој.
За мерката 101 (Инвестиции во земјоделски стопанства со цел нивно преструктуирање и надградба за достигнување на стандардите на ЕУ), поднесени се 335 барања. За мерката 103 (Инвестиции за преработка и маркетинг на земјоделските производи со нивно преструктуирање и надградба за достигнување на стандардите на ЕУ) има 14 барања, а за мерката 302 (Диверзификација и развој на руралните економски активности) 53 барања.
Вкупната вредност на инвестициите за кои се поднесени барања изнесува околу 19 милиони евра, а вкупната сума за кофинансирање околу 10 милиони евра.
Најмногу проекти се за набавка на трактори – 188, со вкупна вредност на инвестиции над 3 милиони евра.
Со цел да се излезе во пресрет на барањата од потенцијалните корисници за подготовка на квалитетни апликации, како и да се овозможи ефикасно искористување на средства од Програмата ИПАРД 2007-2013, наместо до 22 август, јавниот повик беше пролонгиран до 30 септември 2013 година.
Ова е прв јавен повик објавен по модификациите на ИПАРД програмата кои значително го зголемија интересот на македонските компании за нејзино користење.
* Македонска берза и оваа година во соработка со Фактор доделува повеќе награди во различни категории за „Акција на годината“ при тргувањето со хартии од вредност.
Еден од критериумите за доделување на признанијата ќе биде и мислењето на јавноста. Гласањето ќе се одвива до 12 декември, а предвиден термин за доделувањето на самите награди е 23 декември.
Од таму, може да гласате за едно од следните котирани друштва:
Можеби ќе ве интересира
ИМА ДОБРИ ПРИНОСИ, А БАРА МАЛКУ ЃУБРИВО: Оваа култура станува популарна во Војводина
Koj е најголемиот европски центар за производство на зеленчук?
