Земјоделците во Куманово треба да ги ажурираат податоците во фарм регистарот
Објавено во: Агробизнис 30 Мај, 2013
Над 85 отсто од земјоделците од општините Куманово, Липково и Старо Нагоричане ги ажурирале податоците во електронската база на податоци или во фарм-регистарот на земјоделските стопанства. Од кумановската Подрачна единица ги повикаа земјоделците кои досега не ги ажурирале податоците да се пријават во подрачната единица и да ги скицираат своите парцели во системот за идентификација на земјишни парцели.
- Земјоделците навереме се информирани преку огласни табли, прирачници односно упатства издадени од Агенцијата за финансиска поддршка на земјоделството, како и преку медиумите. Сите оние кои имаат промена во нивниот имот, доколку извршиле продажба или купиле нова парцела, промените треба да ги пријават, бидејќи ако не ги скицираат тогаш не го исполнуваат условот за барање финансиска поддршка за земјоделството, рече раководителот на подрачната единица Насер Даути.
Новината за скицирање на земјиштето е воведена од минатата година, а цел на оваа програма е да се знае реална состојба на терен, да се знае точно колкава површина обработуваат земјоделеците,објаснуваат надлежните.
Можеби ќе ве интересира
ВО МАКЕДОНСКИТЕ ПЧЕЛАРНИЦИ СÈ ПОЧЕСТО ИМА ДРВЦА ПАУЛОВНИЈА: Кој е бенефитот од нив?
