Земјотрес со интензитет од 5,5 го потресе Кипар
Објавено во: Балкан 15 Април, 2015
Земјотрес со интензитет од 5,5 степени по Рихтер беше регистриран во Кипар во 11,25 часот по локално време, соопшти кипарската новинска агенција КНА, повикувајќи се на Сеизмолошкиот центар во земјата.
Потресот бил почувствуван на целиот остров и најмногу во областа на пристанишниот град Пафос.
Епицентарот бил во морето на 8 км северозападно од градот Пафос.
Агенциите објавија различни податоци за длабочината на земјотресот. Според КНА потресот бил на длабочина од 25 километри, а ТАСС претходно соопшти дека земјотресот се случил на длабочина од 10 километри.
Земјотресот предизвикал паника меѓу населението.
Жителите на градот Пафос излегле од домовите исплашени. Многу од нив рекле дека пред основниот потрес слушнале страшен татнеж.
Засега нема податоци за жртви и разурнувања, пренесоа агенциите.
До 12 часот биле регистрирани 10 последователни потреси со помала сила.