Жерновски: Не се бунеа кога имаше 35 приговори за Центар, а сега еден е пресуден

Добивај вести на Viber

Андреј Жерновски, градоначалникот на општина Центар, потсетува дека на локалните избори во 2013-та имаше вкупно три круга на гласање само со цел да не дојде до победа на опозицијата, а ДИК прифати бројни проговори, затоа сега се чуди како може ВМРО-ДПМНЕ три дена да ја држи јавноста на работ на судир за приговорите на СДСМ.

- На локалните избори во 2013 година, ВМРО-ДПМНЕ во општина Центар поднесе вкупно 35 приговори, од кои 29 беа прифатени од страна на нивниот ДИК. Да биде појасно, тоа се 29 од вкупно 66 избирачки места, што значи дека речиси половина од сите избирачи беа принудени да прегласуваат, само поради фрустрациите на владејачката партија.

Денеска, иста власт-друга песна, но со веќе добро познатото лицемерие. ВМРО-ДПМНЕ смета дека било скандалозно тоа што се усвоил еден приговор и се отворила можност за прегласување на едно изборно место во Гостивар. Ако има нешто што оваа власт го згази до корен, тоа се правдата, праведноста и еднаквоста.

Груевски буквално се однесува како монарх, а неговите соработници како дел од кралското семејство, посочи Жерновски.