Зголемен бројот на туристи во октомври, Турците се најбројни

Добивај вести на Viber

Бројот на туристите во октомври 2012 година, во однос на октомври 2011 година, е зголемен за 4,3 отсто, а бројот на ноќевањата е зголемен за 2,8 отсто, соопштуваат од Државниот завод за статистика. Според нивните податоци вкупниот број на туристите во октомври 2012 година изнесува 51.512, а бројот на ноќевањата изнесува 122.498. Бројот на домашните туристи во октомври 2012 година, во однос на октомври 2011 година, е зголемен за 4,5 отсто, а бројот на странските туристи е зголемен за 4,2 отсто. Бројот на ноќевањата на домашните туристи во октомври 2012 година, во однос на октомври 2011 година, е намален за 2 отсто, додека бројот на ноќевањата на странските туристи е зголемен за 6,2 отсто. Во периодот јануари- октомври 2012 година, во однос на истиот период од претходната година, бројот на туристите е зголемен за 2,7 отсто и тоа кај домашните туристи има намалување за 3,2 отсто, а кај странските зголемување за 8,6 отсто. Во периодот јануари-октомври 2012 година, во однос на истиот период од претходната година, бројот на ноќевањата е намален за 1,5 отсто и тоа кај домашните туристи има намалување за 6,2 отсто, а кај странските зголемување за 7,8 отсто. ТАБЕЛА: Број на туристи и ноќевања по земја на припадност на посетителите Извор: Државен завод за статистика