Жените кои работат навечер потешко забременуваат

Добивај вести на Viber

Жените кои работат ноќни смени имаат дури за 80% помали шанси да забременат и да родат дете, се вели во новото истражување. Нередовниот сон и работата навечер со себе носи ризик од абортус, нередовни менструации и проблеми со плодноста, утврдено е во истражувањето спроведено на Универзитетот со Саутемптон. Работниците кои работат ноќни смени се во најголем број случаи во онаа група жени кои повеќе од година дена се обидуваат да забременат. Истражувањето на примерок од 100.000 жени покажало дека секоја работа која не подразбира регуларни дневни смени, носи ризик од пореметување на менструалниот циклус за 5%. Кога е спонтаниот абортус во прашање, кај овие жени е за третина почеста појава, отколку кај оние кои работат дневни смени. Жените кои работат само навечер, за разлика од оние кои работат во две смени, имаат дури 80% помали шанси да имаат дете. Доктрор Линден Стокер вели дека причината за ова може да биде во пореметувањето во производството на хормони, температурата на организмот, крвниот притисок и бројот на отчукувања на срцето. Но, Стокер вели дека може да влијаат и други фактори, како што се нередовната и нездрава исхрана во текот на ноќта.