Жените од СДСМ во голема хуманитарна акција

Добивај вести на Viber

Жените од опозициската СДСМ денеска организираа голема хуманитарна акција во целата држава во која собираа облека и обувки за социјално загрозените сограѓани. Третата по ред ваква акција се одвива под мотото „Дарувај од срце“, а Форумот на жени од општинските организации на СДСМ ја прави заедно со Црвениот крст и по повод новогодишните и божиќните празници. Притоа жените  членки и симпатизери на СДСМ донираа топла облека и обувки, а диструбуцијата е оставена на волонтерите од Црвен Крст. Вклучени беа локалните заедници од Битола, Охрид, Прилеп, Штип, Струмица, а централниот настан беше организиран во паркот Жена - борец, во Скопје. „Во овие тешки времиња, кога едвај се составува крај со крај, кога економската моќ на граѓаните е сведена на минимум, навистина голем е човекот кој умее да го подели она скромно што го поседува со својот пријател, сосед, сограѓанин“, посочија од Форумот. Жените претходно ги повикаа сите сограѓани без оглед на партиската, верската или национална припадност да се вклучат во акцијатаи да им помогнат на луѓето кои имаат вистинска потреба од оваа помош.