Жешко лето и скапи цени за скопските базени?

Добивај вести на Viber

200 денари денари чини влезница за некој од  трите скопски градски базени. Заедно со трошоците за јадење, пиење или купување опрема, цената за ден по лице достигнува над 500 денари за еден пливачки ден, пресметува порталот Плусинфо. За влез во воениот базен „Аеродром“ прво треба да се пополни барање за членска картичка, без која нема да се примаат гости. Од оваа недела за 120 денари ќе се издава и полудневен билет кој ќе важи од 15 до 18 часот. За дете до 12 години се плаќа 100 денари, а за деца до 3 години влезот во овој базан е бесплатен, додека лежалка чини 50 денари. Пред две години беше реновиран и базенот „Младост“ во Карпош 3. Таму нема членски карти, но задолжителна е пливачка капа којашто чини  300 ден, пишува порталот. За Олимпискиот базен карта чини 200 денари, а потребни се само пешкир и костим за капење за да влез. Кафе или сок овде чини  50 денари, а хот-дог  60 денари. Скопските базени генерално работат од 10 наутро до 17 часот, а и неколку часови од попладнето па се до полноќ. Ќе се нудат и разни месечни пакет-карти за базен кои ќе бидат поевтини, од 2.500 денари во „Младост“ до 3.600 денари во „Олимписки“.