Жител на Радолишта паднал при чистење на оџак, по што загинал
Објавено во: Македонија 02 Јануари, 2017
Жител на струшкото село Радолишта, загина откако паднал при чистење на оџак од куќата на брат му.
С.М. (48) вчера околу 8 часот, при чистење оџак се лизнал и паднал од покривот на замрзната земјена површина, при што се здобил со тешки телесни повреди. Медицинска помош му била укажана во Медицински центар Струга, а поради сериозноста на повредите со Итна медицинска помош е препратен во Клинички центар Скопје, но при транспортот починал.
Тој е вратен во МЦ Струга, од каде со одобрение на Јавен обвинител, телото на починатиот е предадено на семејството.