ЗНАЕШЕ ДА НЕ ИЗГУШКА КОГА ЌЕ НЕ СРЕТНЕ НА УЛИЦА: Новинарите останаа без професорот Томе Груевски
Објавено во: Македонија 17 Септември, 2019
Ќе ве сретне на улица и ќе ве изгушка. Ќе ве размуабети и ќе си поприкаже со вас за годините поминати на Факултет.
Новинарите денеска се збогуваат со професорот кој го обожуваа - Томе Груевски.
Груевски кој кој својот работен век го исполни како професор по комуникологија и односи со јавноста на студиите по новинарство, медиуми и комуникации на Правниот факултет „Јустинијан Први“ во Скопје почина на 70 години по кратко боледување.
Зад себе остави бројни трудови и дела а како доктор по информативно-комуниколошки науки е познат и како автор на многу книги : Јавното информирање во Македонија (1991); Преглед на македонскиот печат (1885-1992), коавторство, (1993); Современиот печат во Македонија (1995); Печатарството и издаваштвото во Битола, том 1, 2 и 3, коавторство (1998); Историја на новинарството, книга 1, (1999); Историја на македонското новинарство, книга 2, (1999)...
Исто така, има објавено повеќе од сто научни статии-трудови во научни списанија, од учество на домашни и меѓународни научни симпозиуми, конференции и научни собири од областа на комуникологијата.
Добитник е и на бројни награди.
Груевски е роден во 1949 година во битолско.
Фото: Курир.мк