ЖОЛТА ФАЗА: Високи температури и висок УВ индекс

Добивај вести на Viber

Денес заштитете се од високите температури и високиот УВ индекс. Синоптичарите предупредуваат дека земјава денеска ќе биде во жолта фаза.

Сончево и топло. Ќе дува слаб до умерен ветер од јужен правец, особено изразен во југоисточните делови.

УВ индексот ќе биде многу висок и ќе изнесува 9.

Денвните температури на воздухот исто така ќе бидат високи и ќе се движат од 28 до 38 степени целзиусови. Најтопло се очекува да биде во југоистокот од државата.

Додека во главниот град, Скопје, според метеоролозите се очекува сонце и многу топло време со максимални 37 степени.

Под влијание на многу топла воздушна маса до средината на наредната недела времето ќе биде сончево и многу топло, а само во петок ќе има зголемена облачност.

Од денеска ќе биде активирано жолто, а од четврток во некои реони и портокалово ниво за опасност од високи температури.

Поради екстремно високите температури, лекарите предупредуваат да се почитуваат препораките за заштита од високи темеператури. Да не се излегува на отворено во периодот од 11 до 17 часот, да се пие вода, да се консумира лесна храна, да се носи лесна и светла облека, а хронично болните лица да ја примаат редовно својата препишана терапија.