Добивај вести на Viber
Во админстрацијата се вработени 178 000 лица, бизнисот се соочува со превработена и неефикасна адинситрација која треба да биде сервис и на граѓаните и на фирмите, изјави во дебата на 24 Вести, претседателот на комората, стопанственикот Зоре Темелковски.
“Ние во нашата комора веруваме дека имаме преголема администрација, ние сега зборуваме за социјални вработувања а не за економски вработувања. Тие социјални вработувања не се поддржани административно . Значи се соочуваме со превработена и нестручна администрација. Лично сметам дека во администрацијата има 178 000 вработени, а дополнително уште 15 000 лица вршат услуга, како што се агенции за обезбедување и хигиена.“, вели стопанственикот Темелковски.
Вели дека бизнисмените не само што не може да се амнестираат поради вкупната политичка криза, туку дека пасивноста и различните бизнис-интереси биле причина бизнисот да дозволи инфилтрација на политиката.
“Јас од оваа дистанца можам да кажам дека сум незадоволен од коморското работење. Администрацијата во дел од нив, заради нивната пасивност и поради инволвирање на некои службеници кои треба да ги претставуваат интересите на стопанството, дозволија политичарите да се наметнат и да се инфилтрираат со своите механизми во коморското работење и затоа стопанствениците не смеат да се изземат, односно и тие се дел од оваа сепофатна криза која денеска се случува. Таа се случува подолг временски период затоа што просторот којшто припаѓа на стопанството не беше економски заштитен од оние кои се фронтмени на бизнисот. Тука успеаја политичарите да инфлилтираат свои механизми, да се поагресивни и сега во последните пет, шест месеци излегуваат на површина сите проблеми кои беа напластени“, вели стопанственикот Темелковски.
Тој смета дека сега веќе нема простор за коморско работење на бизнисмените бидејќи, како што вели, просторот веќе е отстапен на политичарите. Темелковски вели дека Владата треба да биде таа која ќе обезбеди само амбиент за бизнис, а не да се фали со нови “социајлни“ вработувања.