Зошто е подобро што побрзо да се продаде зградата на Еуростандард банка?
Објавено во: Финансии 17 Септември, 2023
Одложена е одлуката на третата официјална лицитација за продажба на деловната зграда на Еуростандард банка. На седницата на одборот на доверители, на која присуствуваше и стечајниот управник и надлежен судија повторно се манифестирани нерешителност и неодлучност, изјавија дел од доверителите. Стечајниот управник заедно со судијата предложиле повторно да се прави процена на вредноста на зградата, на што се спротивставиле над 80 отсто од доверителите.
Се одолговлекува целата постапка на штета на поголемиот дел од заинтересираните страни. На предходните две лицитации се избираше најповолната понуда, но потоа постапката не се спроведуваше, односно немаше одобрување и прифаќање на понудата од страна на доверителите.
Поголемиот број од доверителите се категорични дека продажбата треба да се спроведе час поскоро. Одговорноста е на стечајниот управник и судијата да ја спроведат постапката.
Во моментов ништо не се решава. Фактичката ситуација останува иста: штедачите, доверителите, граѓаните и државата остануваат во неповолна ситуација и не се обесштетуваат. Поминува време а објектот губи од својата вредност! Повеќе од две години зградата нема сопственик и истиот не се одржува.
Ако и третата лицитација не добие епилог, средства нема да влезат во стечајната маса и доверителите нема да добијат ништо. По закон тогаш следува постапка на т.н. прераспределба, каде секој од доверителите на хартија добива процентуален дел од вредноста на зградата, но реално не добива ништо конкретно. Односно само процентуален дел од некоја идна продажба, која реално може и никогаш да не се случи, или ако се случи да биде по многу ниска цена.
Затоа во ваква ситуација логично се поставува прашањето дали е добро и понатаму да се одолговлекува продажбата? Дали со ваквото однесување се поттикнува единствениот понудувач да се откаже, и во некоја блиска иднина да се појави некој нов кој за багателна цена ќе ја купи зградата, а доверителите реално да добијат многу малку.
Работите се очигледни! Потребна е реакција од надлежните институции, и поголема одговорност. А на лицитации очигледно е дека нема голем интерес.
Објектот има вкупна површина од 3.489 квадратни метри, во кои влегуваат 1.512 м2 под земја наменети за трезор, архива, помошни простории и 20 паркинг места. Канцеларискиот простор е само 1977 м2. Деловната зграда на Еуростандард банка е лоцирана во строгото централно подрачје на град Скопје, надворешно изгледа атрактивно и секако е штета да не се користи од некого. Особено што со текот на времето ако не се одржува, ќе се обезвреднува и “може да ја прегази времето”!
Можеби ќе ве интересира
ПРЕСВРТ НА БЕРЗИТЕ - Волстрит бележи пад по наглото намалување на каматните стапки на ФЕД, а златото пак поскапе
ЕВЕ ШТО Е АКТУЕЛНО НА ПАЗАРОТ НА НЕДВИЖНИНИ: Оваа дестинација на Балканот, има сè
НАРОДНА БАНКА ЌЕ ЈА НАМАЛИ ОСНОВНАТА КАМАТНА СТАПКА ЗА 0,25 п.п. - се уште има ризици од надворешни фактори
ШВАЈЦАРИЈА ИЗБРАНА ЗА НАЈДОБРА ЗЕМЈА НА СВЕТОТ: Еве како им е на балканците што живеат таму
КОМПАНИЈАТА ШТО ГО ИЗГРАДИ „ТИТАНИК“ ТОНЕ ВО ДОЛГОВИ И ЗАМИНУВА ВО СТЕЧАЈ: Шпанците сакаат да ја преземат, еве што велат Ирците
БРАТ ЗА БРАТ, АМА... СЕКОЈ „ПРИЈАТЕЛСКИ“ ЗАЕМ ПОГОЛЕМ ОД 10.000 ЕВРА ЌЕ МОРА ДА БИДЕ ЗАВЕРЕН КАЈ НОТАР - важно правило се менува во Србија
СОНОТ НА СЕКОЈ ЧОВЕК Е ДА ЗЕМА СТРАНСКА ПЕНЗИЈА, А НАЈДОБРО Е ДА ЈА ЗАРАБОТИТЕ ВО ШВЕДСКА: Погледнете колку ќе добивате на старост, ако сте работеле „надвор“
ЕВЕ КОИ ПРЕКРШОЦИ ГИ ЕВИДЕНТИРААТ СООБРАЌАЈНИТЕ КАМЕРИ: Ако ве закачи камерата во Белград, ова се казните што ќе мора да ги платите
АМБИЦИЈАТА КОЈА ЈА МЕНУВА БАНКАРСКАТА МАПА НА ЕВРОПА ДОЧЕКАНА „НА НОЖ“ - италијанскиот кредитор тргна во освојување на германска банка, но наиде на противење
