ДОБРО Е ДА СЕ БИДЕ МИЛАНОВИЌ: Еве колку тежи претседателот на Хрватска

Добивај вести на Viber

Нето платата на Милановиќ е 3.588 евра месечно, додека неговата сопруга, вработена во Хрватскиот завод за јавно здравје, има нето приход од 2.387 евра. Покрај основната плата, сопругата на Милановиќ добива и 1.635 евра месечно за држење настава.

Претседателот има околу 140.000 евра на штедна книшка, пишува Индекс.

Милановиќ има и кредит во износ од 92.906 евра подигнат во 2016 година со месечна рата на кредитот од 597 евра, кој е договорен со каматна стапка од 4,4 отсто. Кредитот е земен со рок на отплата од 360 месеци.

Што се однесува до недвижен и движен имот, Милановиќ е сопственик или косопственик на повеќе имоти.

Тој е сопственик на стан од 127 метри квадратни во Загреб, чија проценета вредност е 252.837 евра. Покрај тоа, Милановиќ има удел од 16,66% во друг стан во Загреб од 77,56 квадратни метри, вреден 159.267 евра.

Наследил и гаража од 14,25 метри квадратни во Загреб, вредна 13.272 евра и викендица од 91 квадрат во Солине, проценета на 79.634 евра. Покрај недвижен имот, наведува и обработливо земјиште во Главице од 6.700 метри квадратни, чија вредност се проценува на 79.634 евра.

Сопственоста на наведените имоти, освен за станот, е споделена со трети лица.

Милановиќ поседува 100% од акциите во компанијата EuroAlba Advisory d.o.o., со која раководеше до почетокот на неговиот мандат во февруари 2020 година.