28 Март, 2024
0.0235

Зошто расте берзата во САД?

Објавено во: Анализа 29 Јануари, 2013

Добивај вести на Viber

Овој текст го започнуваме со графикон кој ни ја доловува состојбата на пазарот на обврзници во моментов во САД Како што може да забележите владата на САД може да се задолжува со стапка од 3% на 30 години. Исто така како што гледате стапката за обврзници до 5 години е помала од 1%. Ова е исклучително мал принос за оние кои инвестираат во обврзници. Во продолжение еден долгоречен график во кој е даден приносот на 10 годишната државна обврзница исто така во САД Феноменален график кој вели дека приносот за оваа обрзница е најнизок сега мерено од 1880 година. Тоа е повеќе од 130 години. Значи светот изгледа верува дека Америка има најголем капацитет да ги враќа парите кои ќе ги позајми. Е сега еве го просечниот дивиденден принос на акциите од индексот S&P 500. Повелете: Просекот на дивиденден принос (и покрај огромниот раст на берзата, а знаеме дека кога цените на акциите растат приносот паѓа) е 2,1%. Значи има акции кои имаат значително поголем дивиденден принос. Имајте во предвид дека големиот Питер Линч во неговите правила за инвестирање вели дека кога приност на обврзниците е 6% поголем од дивидендата на акциите треба да почнете да ги продавате акциите, а да купувате обврзници. Интересно е дека сега се наоѓаме во една надреална ситуација. Еве зошто: Реaлната вредност на носечкиот индекс е скоро на историски највисико ниво и притоа акциите имаат и релативно висок цена/заработка коефициент. Еве за што зборуваме: Ова е Шилеровиот коефицинет (значи тоа е 10 годишен просек и е направен вака да може да даде постабилни резултати). Долгорочниот просек е 16. Инвеститорите едноставно се приморани да одат во акции. Впрочем тоа и беше политиката на ФЕД која во основа ја создаде оваа надреална ситуација. Сега влегуваме во една неизвесност која на крајот треба да даде одговор на следниве прашања: 1.Колку е одржлив овој ултра низок принос на обврзниците? 2.Дали ако почне да се продаваат обврзници парите ќе одат во акции и индеските повторно ќе достигнуваат нови врвови? 3.Дали цените на акциите ќе се намалат и пазарот на обврзници ќе остане балансиран? Доколку сепак се држиме до економската теорија, треба да го изведеме следниот заклучок. Се враќаме на првиот график, кој во основа ни го кажува следново. Доколку разликата помеѓу кратките и долгите обврзници е над 2,5% (така е денеска) инвеститорите очекуваат раст на економската активност и зголемување на каматните стапки во иднина. Поради тоа сите одат во краткорочни обврзници притоа нивната цена расте, додека приност паѓа. Ова го прават бидејќи очекуваат зголемена инфлација и економска активност во идниана што ќе предизвика раст на каматните стапки и во тој момент многу лесно (бидејќи имаат обврзници што брзо доспеваат) ќе се префрлат во подолгорочните хартии од вредност. Значи ситуацијата теоретски гледано не е воопшто лоша. Главниот проблем е што на оваа ситуација во голема мера влијае Бернанке со неговите 70 милијарди месечно, па така ова е во основа една нова ситуација која не може да се процени како точно ќе заврши, но засега Бен излегува како победник во борбата со апокалиптичарите. Милан Димитриоски

Можеби ќе ве интересира

ДОЈДЕ ПРОЛЕТТА, НО ЗИМА НЕМАШЕ - ДАЛИ Е ОВА НОВОТО НОРМАЛНО И ШТО НЕ ОЧЕКУВА ОВА ЛЕТО? Еве што велат метеоролозите од Балканот

ДОЈДЕ ПРОЛЕТТА, НО ЗИМА НЕМАШЕ - ДАЛИ Е ОВА НОВОТО НОРМАЛНО И ШТО НЕ ОЧЕКУВА ОВА ЛЕТО? Еве што велат метеоролозите од Балканот