ЗОШТО РУСИЈА ПОТФРЛИ ЗА НАПАДОТ: Москва не им верува на Американците?

Добивај вести на Viber

Руските служби велат дека во март добиле информација од американските колеги дека се спрема терористички напад, но тоа било одоколу. 

Руската агенција РИА Новости пишува дека директорот на руската Федерална безбедноста служба ФСБ, Александар Бортников, изјавил дека Вашингтон на почетокот на март пренел информации за подготовка на терористички напад во Русија. Сепак,  информациите биле од општа природа. Тој изјави дека таквите податоци од САД не се секогаш конкретни.

Недовербата меѓу руската служба и другите странски служби е можеби еден од повеќето фактори кои придонеле руските служби да потфрлат во откривањето на терористичкиот напад кој се случи во салата „Крокус“ во Москва во петокот, каде загинаа 143 луѓе, а над 300 се повредени, додека 100 се исчезнати. 

„Њујорк Тајмс“ пишува дека американските разузнавачи не им ги пренеле на Русите  сите информации што ги имале за групата ИСИС-К од страв да не ги откријат своите извори.

„Непријателските односи меѓу Москва и Вашингтон ги спречија американските функционери да пренесат повеќе од неопходни информации за планот (на терористите) поради страв дека руските власти би можеле да дознаат за нивните разузнавачки извори или методи“, се наведува во написот.

Терористите кои го извршија нападот се од Таџикистан. Тие рекоа дека убивале за пари. Ветени им биле 5.000 евра. Русија обвини дека зад нападот стојат САД, Британија и Украина. Киев ги негираше овие тврдења. 

Русија уапси таџикистански државјанин кој живеел во Санкт Петербург и го правдал нападот.