Зошто се повторно приведени Чавков, Поповски, Ѓошевски, Лазаров и Пешов?

Добивај вести на Viber

Врховниот суд вчера донесе одлука мерката  притвор на четворица обвинети за настаните на 27 април  да им ја замени за куќен притвор. Иако беа пуштени во домашен притвор доцна синоќа, после полноќ, дел од обвинетите лица за одговорност во крвавиот четврток на 27 април, минатата година, повторно беа уапсени.

Повторно се приведени М.Ч., М.П., Д.Л., О.П. и Г.Ѓ., кои пред еден ден беа пуштени во куќен притвор. Тие беа осомничени за насилството што се случи на 27 април минатата година во Собранието.

„Постапувајќи по решение на Основен суд Скопје 1, пет лица се пренесени во Истражниот затвор Скопје“, информираат од МВР

Според досегашните информации, ноќеска повторно биле уапсени Митко Чавков екс-министер во МВР и директор на БЈБ, Душко Лазаров началник на ЈРМ, Митко Пешов началник на гранична полиција, и две лица од Собраниското обезбедување Поповски и Ѓошевски.

Обвинителството соопшти дека 28 лица се обвинети за „терористичко загрозување на уставниот поредок и безбедноста“, а двајца се гонат за „помагање“, за истото кривично дело, за што е предвидена најмала затворска казна од 10 години.

Претходно Врховниот суд по жалбите на осомничените реши, за дел од нив да ги укине мерките притвор и куќен притвор. Пред  еден ден од затвор излегоа екс министерот за внатрешни работи Митко Чавков и пратениците на ВМРО-ДПМНЕ, Крсто Мукоски и Сашо Василевски кои добија мерката куќен притвор.